Posted by M Y Artists
ဘဝတွင် အပေါ့ပါးဆုံးဖြတ်သန်းနိုင်ဖို့ရာ
မည်သည့်အရာများ အချိုးကျပေါင်းစပ်ပါဝင်ရမည်နည်း???
ထိုမေးခွန်းမျိုးသည်
အဆိပ်တက်ဦးနှောက်ပိုင်ရှင်များအတွက်သာ
လွယ်လင့်တကူ ဖြေဆိုနိုင်လိမ့်မည်။
သင်ဖတ်နေသောအရာသည်
အတွေးအခေါ်စာတမ်းတစ်စောင် မဟုတ်ပေ...
ကျွန်ုပ်တို့သည်
တာဝေးအပြေးသမားများ မဟုတ်ပေ!!!
တစ်ယောက်နှင့် တစ်ယောက် ပန်းတိုင်တူနိုင်သော်လည်း
လျှောက်လမ်းများ တူစရာမလို၊
အကြောင်းတရားမှာ “လူ” ဟူသော ဝေါဟာရသည်
စက်ရုံ၏ထုတ်ကုန်များအား ရည်ညွှန်းထားခြင်းမဟုတ်။
ယခုကဲ့သို့
ကောက်ချက်ချမည် ဆိုပါစို့!!!
“လူ” တစ်ယောက်အား အဓိပ္ပါယ်ဖွင့်ဆိုလျှင်
နှလုံးရည်ပြည့်ဝသော တိရစ္ဆာန်ဖြစ်သင့်သည်။
ရင်မင်းသစ်
၂၀၀၇ ခုနှစ်၊ ဇူလိုင်လ၊ ၂၇ ရက်
ဆက်ဖတ်ရန်...
ပြန်သိမ်းခဲ့ပါ...
These icons link to social bookmarking sites where readers can share and discover new web pages.
Posted by M Y Artists
နေညိုချိန်
ပန်းချီး ရင်မင်းသစ်
အမျိုးအစားး စပ်ထည်
အသုံးပြုသည့်ပစ္စည်းး Watercolor,
Dark Stroks, Wind
ငါ့အမြင်အာရုံ ပျောက်ဆုံးသွားခဲ့သည်ရှိသော်
နေမင်းကြီးကို တမ်းတတိုင်းမှာ
ငါ့ရဲ့နေမင်း မင်းရဲ့အလင်းသာ
မြင်နိုင်စွမ်းကို ပေးပါစေ...
ငါ့အကြားအာရုံ ပျောက်ဆုံးသွားခဲ့သည်ရှိသော်
သံစဉ်ဂီတ လွမ်းဆွတ်တိုင်းမှာ
ငါ့ရဲ့ဂီတ မင်းအသံများသာ
ကြားနိုင်စွမ်းကို ပေးပါစေ...
ငါ့ဥယျာဉ်တစ်ခုလုံး အဆိပ်တို့နှင့် ဖုံးလွှမ်းသွားခဲ့သည်ရှိသော်
မင်းရဲ့ရနံ့ စူးရှရှသာ
အဆိပ်တို့ကို ပြယ်ပါစေ...
နေ့နေ့ညည သတိရလဲ
အတ္တခေါ်ရာ ပါသွားမိတော့
မပျော်လဲ ပျော်ရတော့မယ့် ဘဝမှာ
ဘယ်သူ့ဘယ်သူမှ အပြစ်မတင်
ဖြစ်ချင်တာတွေမဖြစ်မှတော့
သံသရာဝဋ်ကြွေး ဤမျှနှင့်သာ ပြီးပါစေဆုတောင်းရင်း
ငါ့ချစ်ခြင်းဟာ
မင်းနဲ့ကျမှ ဆုံဆည်းခွင့်ရခဲ့တယ်ဆိုရင်
သေဆုံးသည်အထိ ဆုံဆည်းနိုင်သွားပါရစေ ချစ်သူ……
ဝိုင်
၂၂-၀၅-၂၀၀၇
ဆက်ဖတ်ရန်...
ပြန်သိမ်းခဲ့ပါ...
These icons link to social bookmarking sites where readers can share and discover new web pages.
Posted by M Y Artists
***Andy Warhol***
ကောင်းကင်ခုနှစ်ထပ်က အလွမ်းတွေ
မင်းရင်ကို စိုစွတ်ပါစေ…
ဘဝမှာ ခရီးပေါင်းများစွာနှင်တဲ့အခါ
လိုရမယ်ရ ငါ့နှလုံးသားလေး ဆောင်သွားပါလေ၊
ဘယ်နေရာမှ သုံးမရတောင်
မြောင်းဆိုးတွေ ဖြတ်ဖို့လိုတဲ့အခါ
သူ့ကို နင်းပြီးသွားနိုင်ပါစေ…
ညီလေးရယ်…
အိပ်မက်တွေ အများကြီး မက်မနေပါနဲ့၊
စိတ်နဲ့ ကိုယ်နဲ့ မကပ်တဲ့အခါ
ငါ့ကို သတိရနေပါစေ…
ရင်မင်းသစ်
ဇွန်လ၊ ၈ ရက်၊ ၂၀၀ရ ခုနှစ်
ဆက်ဖတ်ရန်...
ပြန်သိမ်းခဲ့ပါ...
These icons link to social bookmarking sites where readers can share and discover new web pages.
Posted by M Y Artists
Cracked Mirror
Nay Myo Say
ဘဝတွင် အိပ်မက်ပေါင်းများစွာ မက်ခဲ့ဖူးသည်။ သင် ဘာကို ယုံကြည်ပါသလဲ??? သင် ယုံကြည်သည့်အရာများ သင့်ဘဝတွင် ပိုင်ဆိုင်ခဲ့ ဖူးသလား??? ကျွန်ုပ် မေးခဲ့တာ များသွားပြီ။ တကယ်တော့ ဘုရားသခင် ဆိုသူမှာ နောက်တီးနောက်တောက် လူတစ်ယောက်သာ…
ငါ ဘာတွေ ပြောနေမိပါလိမ့်။
နှစ်ပေါင်များစွာ ကျော်လွန်ပြီးသည့်အခါ သံယောဇဉ်များသည် ညောင်မြစ်များကဲ့သို့ တုတ်ခိုင်ခဲ့လေပြီ။ အလွမ်းများသည် နှစ်ပေါင်းများစွာ ဖွဲမီးကဲ့သို့ တဖွားဖွား(တစ်ဖွားဖွား ရေးမှမှန်မည်။) လောင်ကျွမ်း၏။ ငါ ဘာတွေ ပြောနေမိပြန်ပြီလဲ??? တကယ်တော့ လူတစ်ယောက်ရဲ့ဘဝ ပြောင်းလဲခြင်း တွင် အချိန်များစွာ မလိုပါ။ ပြောင်းလဲပစ်လိုက်ဖို့သာ လိုပါသည်။
သတိ။ ။ သင် ယခုဖတ်နေသည့်စာသည် တက်ကျမ်း မဟုတ်။
ရေခံမြေခံကောင်းသော အလွမ်းများသည် မြို့ငယ်လေးရဲ့
အမေ့အိမ်အိုရှေ့တွင် တစ်ရစ်ဝဲဝဲ။ ဘဝတွင် အရာပေါင်းများစွာသည် ဖြစ်ချင် သည်များကို ကျော်လွန်၍ ဖြစ်ခဲ့လေပြီ။ ကဗျာဆရာ၊ ကွန်ပျူတာပညာရှင်၊ အဆိုတော်၊ ရုပ်ရှင်မင်းသား၊ စာအုပ်တိုက်ပိုင်ရှင်၊ ကုမ္ပဏီပိုင်ရှင်၊ မဂ္ဂဇင်း အယ်ဒီတာ၊ အရာရာသည် အကယ်ဒမီနှင့်လွဲသော မင်းသမီးတစ်ယောက်၏ ကြေကွဲခြင်းကို ကျော်လွန်ခဲ့လေပြီ။ ကဲ! ထားပါတော့… အိပ်မက်တွေလွယ်၍ မွေးခဲ့သော ဘဝသည်လည်း ရေစုန်မှာမျောသော အမှိုက်စကဲ့သို့ ဝေး၍ဝေး၍ သွားခဲ့လေပြီ။
အမေ့အိမ်အိုလေးကို လွမ်းတဲ့စိတ်များက အကြောအချင်များ ထိအောင် စိမ့်လို့။ “မေမေရယ်… မေမေဆုံးမတဲ့ စကားတွေ တစ်ခါများဖြင့် ပြန်ကြားချင်စမ်းရဲ့…” အလွမ်းရဲ့ သံလိုက်အိမ်မြှောင်များသည် မြို့ငယ်လေး ရဲ့ အမေ့အိမ်နားသို့ တဝဲလည်လည်။ တစ်ချို့လူများသည် ဘဝတွင် ယုံကြည် ချက်အတွက် အသက်စွန့်ခဲ့ကြ၏။ ငါ့မှာတော့ ယုံကြည်ချက်အတွက် အမေ့ ရင်ခွင်ကို စွန့်ခဲ့ပေါ့။ သူတို့အားလုံးသည် ငါ့ထက် ကံကောင်းကြ၏။ သင်၊ ဖြတ်မမေးပါနှင့်။ အသက်စွန့်ပြီးသည့်နောက်တွင် သင် ဘာသိနိုင်တော့ မည်နည်း။ ကျွန်ုပ်မှာတော့ အလွမ်းတွေကို ပိုးမွေးသလိုမွေး၊ ပေါက်ပြဲနေတဲ့ ရင်ဘတ်ကို အလွမ်းတွေနဲ့သိပ်၊ ဟောဒီ့ ဘယ်ဘက်ရင်အုံတစ်ခုလုံး အလွမ်း တွေနဲ့ ယားယံလို့ပေါ့…
မေမေရယ်… မေမေ့သားက ဘဝမှာ လူဆိုးတစ်ယောက် ပဲဖြစ်ခဲ့တာပါ။ လူမိုက်တစ်ယောက် မဖြစ်ခဲ့ပါဘူး။ ကျွနု်ပ်ဘက်က ယုံကြည် ထားသည်မှာ သမိုင်းတွင် အောက်တန်းကျသည့် ကိစ္စများကို လူမိုက်များ သာလုပ်သည်ဖြစ်ရာ ကျွန်ုပ်မှာ လူဆိုးတစ်ယောက် မဟုတ်တန်ရာ ခံယူထား ရာ ကျွန်ုပ်ဘက်က ခံယူချက်သာဖြစ်၍ သင့်ဘက်က မည်သို့ခံယူမည် မသိ သော်လည်း လူတစ်ယောက်ဘဝတွင် ကိုယ်ပိုင်ခံယူချက်ရှိသည်ဖြစ်ရာ သင်တို့ဘက်က မှားသည်ဟု ထင်သော်လည်း ကျွန်ုပ်မှာ မည်သို့မျှ မတတ် နိုင်။ ကျွန်ုပ် ပြောတာ များသွားပြီ။ ထားပါတော့။ ငါးဟင်း စားရသည့်အခါတိုင်း မေမေ့ကို လွမ်းသည်။ အမှားလုပ်မိသည့်အခါတိုင်း မေမေ့ကိုလွမ်းသည်။ သေချာသည်တစ်ခုမှာ၊ သင်တို့အားလုံး၊ ကျွန်ုပ်ကို၊ တော်လှန်ရေးသမား ဟုမြင်ပါ။ အဘယ့်ကြောင့်ဆိုသော် ကျွန်ုပ်သည် ဘဝတွင် တော်လှန်နေရ သည်က များသောကြောင့်ဖြစ်သည်။ မေမေ့ရဲ့ ဆုံးမစကားတွေ တစ်ခါ လောက်ဖြင့် ပြန်ကြားချင်စမ်းရဲ့။
မေမေသည် အရက်သောက်လျှင် မကြိုက်၊ ဆေးလိပ်သောက် လျှင် မကြိုက်၊ ကောင်မလေးတွေဆီက ဖုန်းလာလျှင် မကြိုက်၊ ဝတ္ထုစာအုပ် ဖတ်လျှင် မကြိုက်။ အခုအချိန် မေမေနှင့် ပြန်တွေ့ရမည်ဆိုပါက ထိုအားလုံး နှင့် ကျွန်တော် လဲနိုင်သည်။ အခုတော့ အရာရာဟာ မှုန်ဝါးလို့…
တကယ်တော့…
ကျွန်တော်ဟာ
ကောင်းကင်ပျောက်နေတဲ့ ငှက်တစ်ကောင်ပါ၊
အလွမ်းတွေ အတောင်ညောင်းတော့
ဘယ်ကမ်းမှာ နားရမလဲ???
မရမ်းကုန်းတွင် အရူးတစ်ယောက်ရှိသည်။ လမ်းတကာ။ လှည့် ၍၊ တောင်းစားနေ၏၊ သူ့ကိုတွေ့လျှင်၊ သင်တို့၊ မုန့်ဖိုး၊ မပေးပါနှင့်။ အဘယ့်ကြောင့်ဆိုသော် သူ ဘယ်တော့မှ ယူမည် မဟုတ်သောကြောင့် ဖြစ် သည်။ လူတွေ့တိုင်း သူတောင်းသော စကားတစ်ခွန်းရှိသည်။
“မေမေကော… ကျွန်တော့်မေမေကို ရှာပေးကြပါခင်ဗျာ…”။
ရင်မင်းသစ်
ဇွန်လ၊ ၈ ရက်၊ ၂၀၀၇ ခုနှစ်
ဆက်ဖတ်ရန်...
ပြန်သိမ်းခဲ့ပါ...
These icons link to social bookmarking sites where readers can share and discover new web pages.
